المحينشات معمرين ديالي كيجيو غزالين

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمة الله وبركاته

هادو محينشات درتهم مؤخرا بطريقتي المعتمدة
طبعا تبارك الله عليكم كلكم كتديروهم ولكن مافيها باس ايلا وريتكم طريقتي

اولا
العجين فيه دقيق حلويات وملح وماء دافئ فقط كنعجنو مزيان مااااامكن
ونخليوه يرتاح وشحال ماارتاح كيساعد فالخدمة ...انا عجنت فالصباح وحتى
للمغرب عاد عمرتهم

بالنسبة للحشو انا كنفضلهم بصدر الدجاج اللي اصلا ماكيبغي حد ياكلو وكيبقى المهم كنستغلوه لبحال هاد الحشوات يكون طري ماشي طايب

في
مقلاة غير لاصقة...كندير زبدة وبصل مشلظ وملح والمكور مرقق والحراف الغلاظ
نحيدوهم وقطع صدر الدجاج..وكنحرك على نار هادئة ومن الافضل المقلاة مغطاة
باش يرجع فيها البخار وتطيب دغيا...وكنزيد الجزر مرقق ...والفطر
...وفالاخير نضيف الصويا صوص ملعقة صغيرة تقريبا...والابزار والسودانية
اختيارية وزريعة القصبور...وممكن رشة من مكعب البنة ورشة من بودرة الثوم
قليلة جدا...والربيع ملي نطفي...والزيتون دوائر...والحامض مصير لاننا
دايرين الدجاج فكيعطي مذاق رائع... ...واخيرا ملي يبرد نضيفو الفروماج
محكوك ونخلطو جيدا

بالنسبة للتعمار الصور توضح

المهم اننا نزعمو شوية على الزبدة والزيت للتوراق باش يجيو فتيين

ممكن
نديرو الكرعة محكوكة انا ماكنتش عندي ...المهم العناصر اللي درنا كنوعو
فيها ولكن مانكثروش مثلا من المكور باش مايطغاش المذاق ديالو و كذلك الباقي

نذوقو الملح

الفرن حامي باش مايعطلوش فالفرن ويجيو يابسين

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

ملاحظة
باش يجيونا المحينشات مقادين نفرقو بيدينا الحشو على حساب عدد حصص العجين اللي عندنا

في امان الله

[ندعوك للتسجيل في المنتدى أو التعريف بنفسك لمعاينة هذه الصورة]تحياتي للجميع وشكرااا[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]